Pasakaan og kaso sa otoridad ang usa ka bana nga niunay og pusil sa iyang asawa tungod sa selos sa Barangay Tagugpo, Pantukan, Davao de Oro.
Subay sa report gikan sa Pantukan Municipal Police Station, miuli sa ilang balay ang suspek nga si Alyas Mario dayon kompronta sa iyang asawa nga si Alyas Miya hangtud nagkalawum ang lalis.
Tungod sa kapungot gikuha niini ang improvised pistol og gipusil hinungdan naigo sa abaga ang biktima nga daling gidala sa ospital.
Ang suspek nadakpan usab nga gibalhog karon sa Pantukan Police lock up cell.