Naga City –Naniniwala ang Department of Trade and Industry o DTI na malaking tulong ang Balik-Probinsiya Program dahil nakapaloob sa programa ang Livelihood trainings , Negosyo Serbisyo sa Barangay pati Pangkabuhayan sa Pagbangon at Ginhawa o PPG na kung saan tinututukan ang mga entrepreneurs na nagbalik probinsya sa pagbibigay ng negosyo kits at seminars. Ang programa ay ipinagpapatuloy ng kagawaran.
Dahil sa pandemya, marami ang mga nawalan ng trabaho na malayo sa kani-kanilang tahanan. Kaya, naglunsad ang DTI ng programa para makatulong sa pagsisimulang muli.
Sa panayam ng Brigada News FM Naga kay DTI Camarines Sur OIC-Provincial Director Jay Percival S. Ablan sinabi na malaking tulong ang programang ito para makabangon muli ang ekonomiya.
Dagdag pa niya kung nais mapasama sa nasabing programa dumulog lamang sa LGU.
