Sa kustodiya eon makarun it Balete MPS ro sambilog sa andang mga persons of interest sa natabo nga insidente it pagpang eabo sa Sitio Maeobog, Brgy Calizo, Balete, Aklan ku dominggo it agahun.
Sa interview it BRIGADA NEWS FM KALIBO kay Police Major Bryan Alamo, OIC, ginpasiguro kara nga pagatutukan nanda ro nasambit nga kaso.
Matandaan nga sambilog ro patay sa insidente nga ginkilaea nga si Rex Quindong nga nag angkon it fatal nga nina sa eawas ag nautod pa ro alima kara bangud sa pag eabo.
Nauna eon nga napabalita nga ro biktima nga armado it sanduko ro unang sumukob sa baeay it gumankon kara nga si Edcel Quindong nga nakikipag inuman kay Marte Dalida nga imaw ro sumaksi sa kremin pero nakakulong eon makarun sa Balete MPS bangud kabaliskaran ro mga naging pahayag kara sa gumuwa nga imbestigasyun it kapulisan.
Suno kay Major Alamo, indi mapatihan nga ro biktimang si Rex ro unang sumukob bangud pag abot nanda sa crime scene hay hubeas ro biktima ag matsa katueog, ag maabung nina sa eawas tuga it pag eabo.
Ginhayag man ni Major Alamo nga may history ro mga inbolbado nga pirmeng sangkot sa kinagamo bangud sa dating bagina ag bisan sanda segun nga magpamilya hay naga inaway nga nagaresulta sa kaparehung insidente. // ANN DESLENE SALAZAR