Totally burned ang isa ka puluy-an sa Roxas Avenue Street, Brgy. Poblacion, Tapaz, Capiz takna alas 11:40 kagabi sang Lunes, Hunyo 26.
Ginkilala ang tag-iya sang balay kay Emilda Gicalao.
Sandig sa impormasyon nagikan sa BFP-Tapaz, nakabaton sila sang panawag gikan sa isa ka residente nga may nagluntad nga sunog sa nasambit nga lugar rason nga madasig nila ini nga ginrespondehan.
Nahibaluan nga wala sang tawo ang amo nga balay bangud nagpadulong sa syudad sang Iloilo ang tag-iya kag wala gid sang kagamitan nga nasalbar.
Ginabanta nga nagdangat sa P34,000 ang nangin kahalitan sang sunog sa balay nga human sa light materials. Sa karon, padayon pa ang imbestigasyon sang mga katapo sang bumbero agud matumod ang gintunaan sang sunog. | Judy Ann Juare
