GIPAKUSGAN sa PNP- Criminal Investigation and Detection Group (CIDG) sa Soccsksargen region ang kampanya batok sa tanang porma sa illegal gambling.
Dungan sa pagpaabot og warning sa mga sakop mag-atubang og silot kung pakyas makapaundang sa illegal gambling activities sa ilang area.
Matud ni PLt.Col Rogelio Pineda, Officer In charge (OIC) sa CIDG-12 gipahimangnoan na nila ang tanang labaw ilang Regional Field Unit (RFU) nga pakgangon ang illegal gambling activities sa ilang areas. Tungod kung dili mahimong mataktak ang mga nasangpit sa ilang mga pwesto gumikan sa command responsibility.
Giangkon ni Pineda nga giberipika nila ang taho nga dunay pipila ka pulis sa rehiyon nga lambigit sa aktibidad sa iligal gambling. Dugang niini, ang one-strike ug no-take policy ang nagpresenta sa zero-tolerance approach, asa ang nakitaan nga opisyal nga walay lihok batok illegal gambling ang silotan.
Kahibaloan nga nagpahigayon og operasyon ang CIDG-12 sa Lebak, Sultan Kudarat asa nasikop ang pipila ka indibidwal sa peryahan. I Richel Gubalani
