Masaligon pa gihapon ang liderato sa Department of Health (DOH) Caraga nga epektibong gamiton pangbatok sa coronavirus ang bakuna nga gama sa India.
Pasalig kini ni Dr. Cesar Cassion, ang Regional Director sa DOH Caraga dihang napangautana bahin sa ka epektibo sa bakunang Made in India.
Sumala ni Cassion, oras mahatagan og Emergency Use Authorization (EUA) sa Food and Drug Administration (FDA) ang isa ka bakuna, nagtimaan kini nga epektibo ug luwas nga gamiton pangbatok sa Covid-19.
Na kwestyon ang ka epektibo sa bakunang gama sa India tungod sa nagkagrabeng sitwasyon sa maong nasod diin daghang mga tawo ang nangamatay kada adlaw ug kun epektibo kini, nganong daghang Indiano ang namatay.
