Binibilisan na ng Baguio City Local Government Unit ang imbestigasyon para matukoy ang pinagmulan ng acute gastroenteritis outbreak sa lungsod.
Ito’y kasunod ng pagbaba na ng kaso nito.
Sa panayam ng Brigada NewsFM Manila kay Baguio City Health Office Acting Officer Dr. Celia Brillantes, nakapagtala na lamang sila ng dagdag na 13 kaso kahapon at inaasahan nilang mas bababa pa ito sa mga darating na araw.
Sa ngayon, pinapayuhan muna nila ang mga residente maging ang mga turista na uminom ng purified water o kahit mga pinakuluang tubig upang maiwasan nang madagdagan ang kaso ng sakit.
Samantala, ayon sa Baguio City PIO , nakipag-ugnayan na si Mayor Benjamin Magalong sa iba pang government agencies katulad ng Epidemiology Bureau ng DOH upang mapabilis ang pagkuha ng datos at pagsusuri ng mga water samples upang matukoy ang sanhi at pinagmulan ng kontaminasyon.
