Inabandona ng kanyang ina ang bagong silang na sanggol sa isang banyo ng gasolinahan sa Quezon City.
Ayon sa ulat ng Quezon City Police District na nakaistasyon malapit sa gasolinahan, nagsabi pa ang babae sa kasunod nitong mag-C-CR sana na huwag gamitin ang banyo dahil ‘messy’ at nireregla raw siya.
Narinig ito ng QCPD at pinalinisan sa crew pero nang pumasok na sila hindi lamang bakas ng dugo ang tumambad sa kanila kundi isang bagong silang na sanggol na lalaki.
Bukod dito, may nakasalpak pang tisyu sa bunganga ng sanggol.
Sa backtracking ng Philippine National Police (PNP), lumalabas na maraming gasolinahan ang pinuntahan ng babae.
Patuloy na pinaghahanap ang ina ng bata at vine-verify ang plaka ng sasakyan ng babae para matukoy ang may-ari nito.
