Wala nang buhay nang madatnan ng pulisya ang katorse anyos na lalaki matapos aksidenteng mabaril ng kanyang pinsan sa Tondo, Maynila.
Batay sa salaysay ng kaanak, naglalaro at nagsalitan ang dalawa sa pagkalabit ng calibre trentay-otso na revolver.
Sinabi ni Manila Police District Homicide Chief Police Captain Dennis Trula, noong una hindi ito pumuputok pero nang pangatlong kalabit na ay tinamaan na ang bata sa ulo na sanhi ng pagkamatay nito.
Sa imbestigasyon, binili umano ng 22 anyos na suspek ang baril at bapag-alamang wala pala itong lisensiya.
Sumuko ang salarin sa pulisya at wala naman daw itong intensyon na patayin ang kanyang pinsan.
