LEGAZPI CITY – Pormal nang piglunsar an bagong programang Arangkada Banwa Caravan (ABC) kan lokal na gobyerno kan Daraga, Albay.
Obheto kan programa na mairani sa mga residente an manlaen-laen na libreng serbisyo kan saindang munisipyo.
Nagkapira sa mga serbisyo-medikal itatao sa paagi kan Municipal Health Office (MHO), pagpaparehistro sa pagiging solo parent, senior citizen asin PWD kan Municipal Social Welfare and Development Office (MSWDO), and livelihood training kan Daraga Human Resource Development Center (DHRDC) trainings kan Municipal Disaster Risk Reduction and Management Office (MDRRMO).
Kairiba pa digdi an mga serbisyo hale sa Municipal Engineering Office (MEO), Municipal Civil Registry (MCR), General Services Office (GSO), asin iba pa.
Ini nakatalaang maglibot sa mga barangay kada Biyernes asin mapuon alas otso nin aga hasta alas dose nin udto.
