Ginaeauman nga mas pang magataas ro numero it mga turistang magaagto sa isla it Boracay sa oras nga mag umpisa eon ro tatlong bag-ong programa it Department of Tourism (DoT).
Base sa pamunuan it Malay Tourism Office, ro nasambit nga mga programa hay ro Boracay Biking Tour, Food Crawl ag Wellness Workcation Program.
Pinaagi segun sa pagsulong it rayang mga programa, madasig nga makabawi ro isla bangud makahatak raya it maabung turista.
Sa oras nga maabot eon ro herd immunity sa Boracay hay pagabuksan eonman nanda ro travel bubble sa mga nasyung China, Taiwan ag Korea.
Patok eon segun makarun sa isla ro ‘trabaho samtang bakasyon’ eabi eon sa pilang mga empleyadong online ro trabaho. / ANN DESLENE SALAZAR
