TAKDANG ilusad sa GenSan ang Badjao Housing Village pinaagi sa Department of Human Settlements and Urban Development (DHSUD).
Segun ni Regional Director Jennifer Bretaña nga ang GenSan ang pinakauna nga maglusad sa maong housing village sa tibuok nasud.
Bag-uhay lamang nakigkita si RD Bretaña kang Mayor Lorelie Geronimo Pacquiao alang sa umaabot nga ceremonial groundbreaking sa Bawing Badjao Housing Village ug 4PH: National Housing for the Pilipino Program.
Gipasalig usab ni Mayor Pacquiao nga padayun nga suportahan ang paspas nga implementasyon sa maong proyekto.
Apan wala pa man natukod ang maong housing project, pipila ka residente ang mipalag, tungod dili matud pa sila mahimong magpunsisok sa 27 square meter nga balay labi na kadtong mga pamilya nga daghan ang anak.
Takdang tukuron ang 4-storey tenement building sa Badjao village, asa karon nagpuyo ang mga residente.
Rason sa ubang residente, nga mas daghan ang nagkinahanglan og balay ug sila ang napahiluna na.
Photo by Dhsud Xll
