Bali ro waea nga siki it sangka backrider samtang nag angkon man it gasgas sa eawas ro driver matapos sumunggab sa sangka kotse ro andang ginasakyang motorsiklo sa may national highway sa Brgy. Tigayon, Kalibo, Aklan.
Ginkilaea ro driver it motorsiklo nga si Josie Donato 22yo samtang ro backrider kara hay si Lebart Villorente 27yo ag parehung residente it Brgy. Alas-as, Madalag, Aklan nga nasayuran nga nakainom kat matabo ro aksidente.
Ro driver man it kotse nga andang nabangga hay si Joseph Inguillo 58yo it Brgy. Linabuan Sur, Banga, Aklan.
Sa report, madasig ro pagpadaeagan it motorsiklo kung siin, hana kunta kara nga mag overtake sa nasambit nga kotse pero sumunggab raya sa likod it saeakyan.
Confined man sa Aklan Provincial Hospital ro nasambit nga backrider samtang nagpromisa si Donato nga pagabayaran ro nasamad nga likod nga porsyon it kotse. / ANN DESLENE SALAZAR
