NAGPAKLARO ang Bids and Awards Committee kun BAC may kalabutan ang renovation sa Mayor’s Office sa LGU-GenSan nga mokabat sa P17-million ang pondo.
Kini human nga adunay nakuratan sa kadako sa pondo nga gigahin alang sa maong renovation, asa Hunyo 25, giablihan ang City Mayors Office nga bag-o lang nahuman sa pag renovate sa mga panday.
Segun ni Engineer Ronald Nuñeza, labaw sa Bids and Awards Committee kon BAC nga niagi sa husto nga proseso ang proyekto ug mao gayud ang na aprubahang pondo nga niagi usab sa Sangguniang Panlungsod.
Gipaklaro niini nga dili lang kini sa opisina sa Mayor kondili sa tibuok area, lakip ang sa mga staff ug sa conference room nga sa karon wala pa nahuman ang proyekto. I Ver Diazon
