DAKPAN ang pito ka indibidwal sa gilusad nga anti-narcotics operation sa rehiyon sulod sa pito kaadlaw sa kasamtangang bulan.
Sa datus sa Police Regional Office (PRO) 12, napasakaan na og kaso sa korte ang 14 katao nga nasikop sa 13 ka operasyon sa kapulisan.
Mokabat usab sa 135.6132 gramo sa gituohang shabu ang naimbargo nga nagkantidad og P922,169.76.
Matud ni Police Brig.Gen. Percival Augustus Placer, director sa PRO-12 gipakusgan pa nila ang kampanya batok iligal nga droga sa rehiyon.
Luyo niini, gipahimangnoan niya ang mga kapulisan nga bisan sa kusog nga kampanya batok gidiling droga, padayon nga sundon ang rule of law sa tanang operasyon. I Richel Gubalani
