LEGAZPI CITY – Nasakote kan mga personahe kan Bacacay PNP katuwang an nagkapira pang unit an sarong babaye sa ikinondusir na drug buy-bust operation sa Purok 2, Brgy. Hindi, Bacacay, Albay kasubanggi.
Binisto an naarestar na suspetsado na si alyas “Rose” na residente kan syudad nin Tabaco asin nasa listahan kan street-level individuals (SLI).
Sa nasambit na operasyon, nakua sa suspetsado an limang sachet nin pigtutubudang “shabu” na may pigkakalkulong timbang na 0.6 grams asin nagkakantidad nin poko mas omenos PHP4,000.
An nasambit na suspetsado, nahahampang sa kasong pagbalgar sa Akta Republika numerado 9165 o an Comprehensive Dangerous Drugs Act of 2002 asin presente nang nasa kustodiya kan nasambit na hepatura para sa magkakanigong disposisyon.
