LEGAZPI CITY – Hawak na ngayon ng Cabuyao City Police Station ang isang binata matapos itong mahuli sa Brgy. Sala, Cabuyao City, Laguna.
Kinilala ang akusado na si alyas “Joel”, 23 anyos, dating residente ng Brgy. Busac, bayan ng Oas, Albay at kasalukuyang naninirahan sa Blk. 15, Lt. 87, Ph. 3 Cluster, Mabuhay City Subd., Brgy. Mamatid ng nasabing lungsod.
Nahuli ito sa bisa ng warrant of arrest na pirmado noong Setyembre 29, 2020 dahil sa kasong serious illegal detention na walang piyansa, at four counts ng kasong child abuse na aabot sa PHP800,000 ang piyansa.
Nakatakda namang dalhin sa court of origin ang akusado upang harapin ang kasong isinampa laban sakanya.
