PATAY na sa dihang nabira pa daplin sa baybay ang usa ka babaye nga taga Purok San Francisco, Barangay Baluan, General Santos City.
Sumala sa mga residente sa Pearly SheIl, Brgy. Bula nga pasado alas 5 sa hapon Agosto 27 ilang nakita ang usa ka babaye nga nagahapa sa tubig dagat ug wala na nagalihok mao nga ilaha nga gibira pa daplin sa balas apan wala na natabang ang babaye.
Samtang usa ka babaye ang nagsulti nga iyang nakita nga naligo sa dagat ang biktima unya pagka taudtaud gi-anod sa balud unya nalumos nakapangayo pa daw og tabang apan dili siya makahibalo nga molangoy kay naa na sa lawom nga bahin.
Nailhan ang biktima nga si Jashzene Camaso, 24-anyos, may usa ka anak.
Sumala sa igsoon nga si Jhonny nilakaw si Jashzene alauna sa hapon unya sa social media na lang nila nakita nga anaa na sa baybayon sa Bula ug wala nay kinabuhi. I Ver Diazon
