Itinangging ni Merly Joy Manalo Castro na co-incorporator siya ng Hongsheng Gaming Technology Inc., ang POGO na iniuugnay kay suspended Mayor Alice Guo.
Ayon kay Senadora Risa Hontiveros, lumapit sa kanyang tanggapan si Castro matapos malamang kasama siya sa kinasuhan ng Department of Justice noong Biyernes kasama si Guo.
Sinabi nito na wala siyang alam tungkol sa Hongsheng at kung bakit siya pinapatawag sa imbestigasyon ng Senado tungkol sa iligal na operasyon ng POGO sa Bamban Tarlac.
Giit din ni Castro na tatlong lang ang kilala niya na nasa listahan ng mga co-incorporator ng Hongsheng. Isa ay nagbebenta ng gulay, ang isa ay nagtitinda ng almusal habang ang isa ay nagbebenta ng chicken barbeque.
