Igo na lang sa pag-reklamo ang usa ka binipisyaryo sa Assistance to Individuals in Crisis Situation program sa Department of Social Welfare and Development – Northern Mindanao human gi-kuhaan ang iyang nadawat nga ayuda.
Basi sa reklamante, sulod sa 10,000 pesos nga ayuda, 700 pesos na lang ang iyang nadawat human matud pa kini nga gikuhaan sa giingong empleyado sa usa ka local nga opisyal dinhi sa Cagayan de Oro.
Gipasabot matud pa kaniya nga gamiton ang pondo nga gi-kuha aron itabang sa mga modool sa ilang buhatan.
Saysay pa sa biktima nga dili maayo ang maong binuhatan tungod kay looy ang uban nga walay kahibalo ug diretso na lang modawat sa ayuda nga ihatag kanila bisan kung dako na kaayo kini og kaltas.
Gika-alarma sab kini sa DSWD tungod kini ang pinaka-unang reklamo nga ilang nadawat kalabot sa gi-ingong pagkaltas sa ayuda.
Gisulayan sa Brigada News FM CDO ang pagkuha sa bahin sa gitumbok nga opisina sa usa ka lokal nga opisyal sa Cagayan de Oro apan nagdumili una kini sa pagtubag gumikan kay padayun pa nilang gi-imbistigahan ang maong reklamo.
