GIINSPEKSYON sa labaw sa General Santos City Police Office ang mga selda sa tanang police station sa GenSan, buntag sa Hunyo 26. Gipangunahan ni PCol. Nicomedes Olaivar Jr. ang pag-inspeksyon sa tanang mga piniriso sulod sa selda sa tumong nga masuta ang ilahangkahimtang, mamintina ang ilahang kaluwasan sa sulod, ug masigurung functional ang mga selda.
Tumong sab sa opisyal nga masigurung intact ang tanang piniriso, ug walay nagagawas-gawas.
Dungan sa pag-inspeksyon walay nakitang anomaliya ang City Director sa mga selda nga iyahang giadtuan.
Padayon sab ang pahimangno niini sa iyang mga sakop nga likayan ang pagpasulod og mga hinagiban sa selda aron masigurung luwas ang tanan. I Enamie Mogpon
