LEGAZPI CITY – Piglalaoman kan Albay Veterinary Office na makakatabang an bagong feed mill plant na itinao sa probinsya bilang saro sa mga benepisyaryo kan Department of Agriculture Bicol.
Segun kay AVO Provincial Veterinarian Dr. Pancho Mella, nin huli sa namamateang pagmahal nin presyo kan mga pambahog nin orig, magigin dakulang tabang an nasambit na ekipahe nganing masiyerto an bastanteng pagkaon kan mga atamang orig na dai na kinakaipuhang maggastos nin daula.
Dakulang tabang su boot ini para sa mga swine farmers sa probinsyq para makagibo nin sadiring pambahog sa saindang mga atamang orig. An nasambit na feed mill kasabay kan Artificial Insemination Facility, ibinugtak sa Paraputo, Malinao.
