LEGAZPI CITY – Mas papakusugon pa kan Albay Veterinary Office (AVO) an komprehensibong mga serbisyo asin mga programa para sa kapakanan kan mga paraoma asin industriya nin mga hayop sa probinsya.
Tinawan-duon ni Provincial Veterinarian Dr. Pancho Mella an produktibidad kan mga paraoma, kun sain nagtao man ini nin mga impormasyon asin mga lakdang nganing maataman an agrikultura bako sana sa probinsya kundi pati sa rehiyon.
Nagtao man nin komprehensibong mga update sa manlaen-laen na mga programa an opisina, kaibahan an pagmonitor sa mga helang kan mga hayop, pagmamanehar sa kalamidad, provincial rabies prevention and control program, mga serbisyo sa pagpapalawig kan salud kan mga hayop, mga serbisyo kan beterinaryo, asin an pinakabagong Provincial Meat Inspection Services (PMIS).
Tinawan man nin duon an matrayumpong pagpugol na makalaog sa probinsya an African Swine Fever (ASF) sa laog nin halos duwang taon kun sain nagpapahiling ini nin proactive na lakdang kan probinsya sa pagprotehir sa populasyon kan mga orig.
