Ginbuyagyag it sambilog nga Ati nga pati man sanda hay nakulbaan sa andang maayong kaeuwasan sa tunga it pagpanalasa it COVID-19 pandemic.
Pero mas importante nga masudean ro andang mga tiyan adlaw-adaw, rason nga padayon sanda nga gapinanaw ag nagapakalimos sa mga aeagyan sa probinsiya it Iloilo para makangayo it kwarta o pagkaon.
Base sa ana, ginataw-an man sanda it pagkaon it lokal nga gobyerno pero bukon raya it insakto para sa mga kinahangeanon nanda adlaw-adlaw.
Pilang beses eun man sanda nga ginasita ag ginapauli it mga miyembro o bantay it lokal nga gobyerno agud makalikaw sa virus.
Sa presente, mabahoe nga bagay para sa mga Ati ro bisan ano nga bulig nga pwedeng i-abot it mga tawo nga gusto nga magbulig kanda.
Makara hay ginaselbrar ro International Day of the World’s Indigenous Peoples./JIL B. LACSON
