KINAHANGLANG makapasa sa assessment ang tulunghaan una nga makasugod sa limited face to face classes. Matud ni GenSan Deped Supt. Rommel Flores daghang mga rekositos ang angayang ikonsidera una makabalik ang mga estudyante sa tulunghaan.
Kinahanglan nga dunay konsultasyon sa barangay og laing mga ahensya sa gobyerno aron nga makalikay ang tanan nga matakdan sa virus. Sa karon adunay mga tulunghaan sa dakbayan lakip sa mga anaa sa private schools ang nagpadayag nga magpahigayon og face to face classes.
Ang Aspang Elementary School sa San Jose sa dakbayan ang labing una nga nalakip sa limited face to face classes kung asa nagsugod pa kaniadtong November 15, 2021 ang ilang klase. Una nang, gibutyag ni Flores ang pito ka eskwelahan sa siyudad ang naghikutar og dokumento aron maapil sa face to face classes. I Richel Gubalani
