ASOSASYON NG MGA BUGADOR SA NAGTIPUNAN, NAKATANGGAP NG ISANG MILYONG PISO MULA SA DOLE Ipinasakamay na ng Department of Labor and Employment (DOLE) Quirino Field Office ang DOLE Integrated Livelihood Program o DILP pangkabuhayan showcase sa Nagtipunan Bugadors’ Association of Nagtipunan para sa kanilang Siitan River Adventure project.
Ipinasakamay sa asosasyon ang isang milyong halaga ng livelihood project na kinabibilangan ng Bangka, life vests , rash guards, helmets at grocery items para sa kanilang sari-sari stores.
Ang proyekto ay inisyatiba ng DOLE, Regional Tripartite Wages & Productivity Board, Department of Tourism, Department of Trade & Industry, Department of Environment & Natural Resources, Department of Agriculture, Bureau of Fisheries & Aquatic Resources, Technical Education & Skills Development Authority, pamahalaang panlalawigan ng Quirino at lokal na pamahalaan ng nagtipunan.
Ayon kay Liezel P. Magno, DOLE senior labor officer ,nabigyan na ng kahalintulad na tulong pangkabuhayan ang nasabing asosasyon noong 2015 at 2017 dahil sa kanilang suporta sa sector ng turismo sa lalawigan.
Dinaluhan ang awarding ceremony ng mga kasapi ng DOLE Quirino Field Office na pinamumunuan ni Provincial Director Geraldine B. Labayani, LGU Nagtipunan PESO Manager Rey Arawag, at PLGU PESO Manager Daniphine Badua at mga kinatawan mula sa DA, DENR at DOT. /// analiza
Enter
You sent
