GIKUMPERMA sa labaw sa General Santos City Veterinary Office nga si Dr. Emelio Gargaran nga dili na maundang ang siyam ka Bio Security Checkpoints batok sa African Swine Fever kon ASF
Ang rason daw niini kay sa karon ang taga Polomolok lamang ang makapasulod sa ilang baboy dinhi sa Gensan samtang bawal ang gikan sa ubang dapit
Gidugang ni Gargaran nga sa 2023 adunay P14 million nga pondo alang sa pa sweldo sa 119 ka mga job order workers sa ASF checkpoints ug sa uban pang panginahanglan batok asf.
Subay sa report gikan sa bulan sa Enero hangtud sa Hunyo mokabat na sa 4,602 kilograms assorted pork and pork related products ang naharang unya gisunog ug gilubong.
Ang labing daghan sa checkpoint sa Barangay Tinagacan ug ang source naggikan sa Sarangani ug Davao areas.
Hangyo ni Gargaran sa mga nakahimo sa pagpalusot ug karneng baboy nga ihunong na kay dili maundang ang bio security checkpoints kon dili maundang ang kaso sa ASF. I Ver Diazon
