KABANKALAN CITY, Negros Occidental — Nagapabilin nga naka-confine si Judith Luab sa ospital, asawa sang driver nga napatay, matapos naka-bunggo ang ila ginasakyan nga motor sa isa ka tricycle sa Sitio Cabubuan, Barangay Pilar, banwa sang Hinigaran, tinalikdan nga adlaw, Mayo 15.
Naka-angkon si Judith sang severe head injury bangud sa impact sang aksidente kag yara karun sa Holy Mother of Mercy Hospital sa syudad sang Kabankalan.
Nahibaluan nga una na nga gindeklarar nga patay ang iya bana nga si Mark Joseph Luab.
Ang mag-asawa ang residente sang Purok Catiao-Tao, Poblacion lV, syudad sang Tanjay, Negros Oriental.
Sa piyak nga bahin, naka-confine man sa Hinigaran Medical Clinic ang driver sang traysikol nga si Leonardo Gavileño.
Naka-guwa naman ang isa ka pasahero ni Gavileño nga nakaangkon sang minor injuries. Samtang, wala pa nahibaluan kun magapasaka pa sang kaso ang pamilya Luab, batok kay Gavileño.*