Pinangunahan ni Pangulong Bongbong Marcos ang ika-limang Legislative Executive Development Advisory Council o LEDAC meeting sa Malacañang ngayong Martes ng umaga.
Tinalakay sa naturang pagpupulong ang pag aproba sa mga bills na tinukoy na kasama sa Common Legislative Agenda o CLA.
Kabilang dito ang amendments sa foreign investor’s long-term lease act, at amendments sa Agrarian Reform Law na iminungkahi ni Senate President Chiz Escudero, ang reforms sa Philippine Capital Markets na iminungkahi naman ni House Speaker Martin Romualdez sa pamamagitan ng isang liham noong September 20 2023, at ang Archipelagic Sea Lanes act na hiniling naman ng Department of Foreign Affairs sa pamamagitan din ng isang liham noong May 30, 2023.
Samantala maliban kina Senate President Chiz Escudero at House Speaker Martin Romualdez.
Present din sa LEDAC meeting sina NEDA Secretary Arsenio Balisacan, Chief Presidential Legal Counsel Juan Ponce Enrile, Special Assistant to the President for Investment and Economic Affairs Frederick Go, Budget Secretary Amenah Pangandaman, at iba pang mga government officials.
