Nananatiling mataas ang overall performance rating ng Marcos administration na nasa 51% batay sa pinaka huling survey ng PUBLiCUS Asia Incorporated.
Ayon sa PAHAYAG Second Quarter 2024, napanatili ni Pangulong Bongbong Marcos ang kanyang approval rating na 44% at trust rating na 33%.
Gayunpaman, bumaba ang approval ratings nito sa North Central Luzon o NCL na kilalang Baluarte ng Pangulo, mula 52% noong Q1 ay naging 49% sa Q2.
Samantala, malaki naman ang ibinaba ng overall rating ni Vice President Sara Duterte, kung saan bumaba ang kanyang approval mula 53% noong Q1 sa 46% sa Q2.
Habang ang kanyang trust rating ay bumaba rin ng limang puntos mula 46% ay naging 41%.
Naitala ang malaking pagbaba sa NCL mula 47% ay naging 38%.
Maging sa balwarte nito sa Mindanao, bumaba rin ang approval rating ng Bise Presidente mula 75% ay nagging 68%, gayundin ang trust rating nito mula 67% noong Q1 ay nabawasan at naging 65% sa Q2.
Sa kabila nito nananatili naman si VP Sara sa may pinaka mataas na approval at trust rating sa mga opisyal ng pamahalaan.
