LEGAZPI CITY – Wara pa ki nareresibeng report an Albay Provincial Agricultures Office (APAO) na may kinaraman sa epekto nin El Niño sa sektor kan agrikultura asin parasisira sa probinsya.
Ini an presenteng impormasyon kan nasambit na opisina segun kay Assistant Provincial Agriculturist Darryl John Buenconsejo.
Sinabi niya, igwa man sindang pigsasagibong monitoring mapadapit digdi asin pirmi man sindang updated.
An mga lokal na gobyerno man sa probinsya, aram naman su boot an mga gigibuhon pag igwa nin phenomenon na siring kaini sa nasyon.
Sa ibong kani, sinabi ni Buenconsejo na preparado sindang mag-asister sa mga pangangaipo kan lambang mga paraoma asin parasisira, magdirekta sana sa saindang opisina na nasa Brgy. Cabangan, banwaan kan Camalig, o kaya kun harayo ini sa saindang lugar, pwedesir man magd+ulok sa City o Municipal Agricultures Office o sa mga agriculture offices kan mga barangay.
