Arestado ang isa ka mamumugon matapos ginserbihan sang mga kapulisan sang warrant of arrest sa Barangay Consolacion, Dumalag, Capiz.
Ginkilala ang akusado kay alyas Isboy, 28-anyos kag residente man sang nasambit nga lugar.
Nagapangatubang ini sang kaso nga Qualified Rape kun sa diin ang warrant of arrest ang gin-isyu kag ginpermahan ni Judge Rommel Lacson Leonor, RTC, 6th Judicial Region, Branch 21, Mambusao, Capiz napetsahan Enero 30, 2024.
Wala naman sang piyansa nga ginrekomendar ang korte para sa temporaryo nga kahilwayan sang akusado. Sa karon, nagapabilin ini sa kustodiya sang Dumalag PNP para sa nagakaigo nga disposisyon. | Judy Ann Juare
