Ginlunsar kahapon nga adlaw sang Angat Buhay ang Angat Bayanihan Volunteer Network sa Capiz sa pagpanguna ni Angat Buhay Chairperson Atty. Leni Robredo kaupod si Ms. Judith Azarcon Marquez, Chairperson sang One Capiz Volunteer Group.
Ang Angat Bayanihan amo ang Volunteer Program sang Angat Buhay para sa mga luyag maghatag ukon magpakigbahin sang ila oras, talento, boluntaryo nga bulig kag serbisyo sa mga kasimanwa ilabi na sa tion sang kalamidad kag emerhensya.
Nangin representante ni Mayor Ronnie Dadivas ang iya misis nga si Joanne Dadivas sa Angat Bayanihan Launching agud ipaabot ang pagpasalamat sang syudad sa tanan nga indibidwal sa likod sang sini nga Volunteer Network nga isa man sa mangin katuwang sang aton gobyerno sa pagbulig sa nagakinahanglan.