Boluntaryo nga nagsungka sa katapo sang President Roxas Municipal Police Station ang anay myembro sang communist terrorist group (CTG) sang nagligad nga Enero 4.
Sandig sa impormasyon gikan sa Pres. Roxas MPS, nakilal-an ang surrenderee nga si alsyas “Ka Jess”, 23-anyos, kag nagserbe bilang Finance Logistics Officer sang Squad Platoon SPP East KR Panay Squad 2.
Nahibaluan nga nagsulod ini sa grupo sang tuig 2020 matapos ginrecruit ni Ka Guning kag Ka Bong sang Nonito Aguirre Sr Command sa idalom sang East Front 15, KR Panay nga naga-operate sa banwa sang Maayon, Cuartero, Dumarao, Capiz, kag Lemery sa Iloilo.
Natigayon nga magbalik sa sabak sa gobyerno matapos niya narealisar nga madugay na ini gina tunto sang grupo.
Boluntaryo niya man gin-surrender ang isa ka M203 grenade launcher kag isa ka rifle grenade nga wala sang serial number kun sa diin ginpatago ini sa ila puluy-an sang wala ginhingadlan nga katapo sang terorista. Yara na sa karon sa kustodiya sang kapulisan para sa nagakaigo nga disposisyon. | F.J. Preciosa
