May kabieogan nga an-um (6) ka mga drug personalities sa probinsiya it Iloilo ro nadakop it Iloilo Police Provincial Office (IPPO) halin Hunyo 20 hasta Hunyo 26 sa paglunsar it mas ginpabaskog nga “Birada Semana” it mga kapulisan.
Base sa report it taeatapan, daywa ro nadakop it Barotac Nuevo PNP ag tigsambilog man ro nadakop it Santa Barbara, Janiuay, Barotac Viejo, ag Sara PNP.
Sa makara naka-detain sa mga estasyon it mga kapulisan ro mga subject person ag nagahueat it kaso nga ipasaka kuntra kanda partikular eun ro RA 9165 o Comprehensive Dangerous Drugs Act of 2002./JIL B. LACSON
