NATULDOKAN na ang halos tulo katuig nga pagkonsumo sa usa ka amahan sa iyang anak nga babaye human kini gidakop sa kapulisan. Sa taho sa Criminal Investigation and Detection Group (CIDG-12), giila ang dinakpan nga si Marnel Ebo, hamtong ang panuigon, nagpuyo sa Alabel, Sarangani Province.
Gidakop si Ebo, pinaagi sa pagpatuman sa kapulisan sa warrant of arrest sa kasong tulo ka ihap sa pagpanglugos. “Iyang anak gilugos ani, 9 years old hangtod 12 years old,” base sa pamahayag sa usa ka opisyal sa CIDG-12 sa Alabel. Ang warrant of arrest ang gipirmahan ni Judge Fatima San Pedro Eugenio sa 11th Judicial Region Branch 10 sa Alabel.
Sa impormasyon gikan CIDG-12 Sarangani Provincial Field Unit, si Ebo ang gikaengong lambigit sa iligal nga aktibidad, sama sa iligal nga droga ug pagkalambigit sa insidente sa pagpanulis sa Malapatan ug Alabel sa Sarangani lakip sa General Santos City. (Richel Gubalani)
