Hindi bababa sa 43% ng mga Pilipino ang pabor sa pakikipag-isa ng Pilipinas sa Amerika sa patuloy na pagtatalo sa South China Sea (SCS).
Ayon sa resulta ng survey ng Oculum Research and Analytics, nilahukan ito ng 3,000 Filipino adults mula Pebrero 21 hanggang Peb. 29, 2024.
3% lamang ng mga respondent ang nagsabing dapat makiayon ang Pilipinas sa China sa agawan sa teritoryo, habang 40% ang mas gusto ang ibang mga bansa bukod sa US at Beijing.
Dagdag pa rito, ipinakita ng survey na ang Amerika ang pinakapinagkakatiwalaang bansa ng mga Pilipino na nakakuha ng 75% trust rating sa mga respondent.
Sinundan ito ng Canada na may 69%; Australia, 65%; Japan, 59%; at ang UK na may 58%.
