Altavas, Aklan – Napabilin it Altavas Municipal Police Station ro No. 1 status sa Aklan PPO Unit Performance Evaluation Rating sa sueod it magkasunod nga 4 nga buean halin ku May 2022 hasta August 2022.
Nabuoe it Altavas PNP ro kabilugan nga score nga 99.22 para mapabilin ro number 1 post.
Sa kabilugan nga 60 allocated points sa operational accomplishments, nabuoe it Altavas MPS ro score nga 59.22 points nga may perfect scores sa Investigation and Police Community Relations.
Sa Administrative, nabuoe it Altavas PNP ro score nga 39.93 sa kabilugan nga 40 allocated points.
Ro Numancia ro 2nd nga may (99.14) samtang ro Tangalan MPS ro 3rd (99.01).
Kaeakip sa mga accomplishments it Altavas MPS hay ro pag-aresto sa top most wanted person, top 1 sa municipal level ag top 8 provincial level, nga si Dante Gadong Gerona nga kinasuhan it 3 counts of rape nga owa it ginrekomenda nga piyansa para sa anang temporaryong kahilwayan.
Para sa OPLAN Tikal, kabilugan nga 14 ro ginsurender ag nagdeposito it FA kung siin 3 kara hay mga pampasabog. / ANN DESLENE SALAZAR
