LEGAZPI CITY – Pigtawan-onra kan Sangguniang Panlalawigan kan Albay an sarong Albayana sa kampeonato kaini sa pigkondusir na 16th ASEAN Taekwondo Championship.
Pigbisto ining si Clarence Sarza, 23 anyos hale sa Brgy. Arimbay, siyudad nin Legazpi.
Segun kay BM Vince Baltazar, dakulang bagay na kaibahan an sarong Albayano sa siring na kompetisyon asin sarong orgulyo na nakua kaini an enot na pwesto, kun sain naiuli pa an gintong medalya.
An nasambitang kompetisyon, pinagpartisiparan ki walong nasyon kaibahan an Brunei, Cambodia, Indonesia, Malaysia, Vietnam, Laos asin iba pa.
Sa kabilugan, saro an Pilipinas sa nangenotan sa South Easth Asian Games showdown.
Apwera sa pagbisto kay Sarza, pigtawan man ini ki token kan junta probinsiya sa pangengenot ni Gov. Atty. Edcel “Grex” Lagman. | MAEDIN DEXISNE
