LEGAZPI CITY – Planong tutukan ngunyan kan Ligao City Police Station (CPS) an pagkokondusir nin barangay drug-clearing operation sa syudad, nganing mapakusog asin mabawasan an mga tawong imbwelto sa iligal na droga.
Sa intrevista kan Brigada News FM Legazpi kay PLtCol. Ruben M. Pedro, officer-in-charge kan naunambitang heaptura, sinabi niyang plano ninda na diit-diiton na an pagdakop sa mga positive drug personalities sa lambang barangay sa lugar.
Sa ngunyan, pigmamawot kan Ligao CPS an pag-ubos sa mga drug personalities ngunyan na taon.
Mientrastanto, pig-iinganyar man kan hepatura na sumuko na an mga imbwelto sa droga ta nganing ini matabangan sa saindang pagrecover o pagbabagong-buhay. | REGINA APINADO
