LEGAZPI CITY – Pinasalamatan kan Albay Provincial Tourism, Culture and the Arts (PTCAO) an gabos na mga tawo, departamento, opisina asin iba pa na nagin parte sa pag-implementar kan mga aktibidad asin trayumpo kan Magayon Festival 2024 sa bilog na bulan kan Mayo.
Sa intrevista kan Brigada News FM Legazpi kay PTCAO head Dorothy Colle, sinbai kaini na ikinamundo ninda an enot na aldaw kan Magayon huli sa insidente nin pananaksak sa beer plaza na nagresulta sa pagkagadan nin sarong lalaki, alagad matrayumpo man giraray na naisagibo an mga inarabangan na events.
Katakod kaini, minahagad man si Colle ki pasensya asin pagsabot huli sa inconvenience dara kan nagkapirang traffic asin road closures sa pagsagibo kan nagkapirang aktibidad siring kan mga parada.