LEGAZPI CITY – Nangunguna pa rin ang Albay sa may pinakaramaraming kaso ng pertussis o whooping cough sa rehiyon ng Bicol base sa pinakahuling datos ng Department of Health (DOH) Bicol.
Mayroon ngayong 27 na kaso ang lalawigan na sinundan ng mga Camarines Sur, Sorsogon, Camarines Norte, at Masbate.
Una na ring sinabi ni Provincial Epidemiology and Surveillance Unit head Jan Edmund Bailon na mas pinaiigting pa ng Provincial Health Office, ang kanilang surveillance, technical support sa Rural Health Units, at patuloy na nakikipag-ugnayan sa Regional Epidemiology and Surveillance Unit.
