LEGAZPI CITY – Nasa pang-apat an probinsya kan Albay sa may haralangkaw na kantidad nin iligal na droga na nakumpiskar sa bilog na rehiyon kan Bicol.
Sa datos kan Philippine National Police (PNP) Bicol – Police Regional Office 5 (PRO5), nagluluwas na nasa PHP91,388 an nakumpiskar sa probinsya.
Pinakahalangkaw an Masbate na may PHP498,820, minapanduwa an Camarines Norte na igwa nin PHP139,141, sunod an Sorsogon na may PHP127,928, suminunod an Albay, asin Naga City na may PHP34,570, mantang ultimo sa listahan an Catanduanes na igwang PHP1,040.
An nasambit na datos, resulta kan sinagibong Simultaneous Anti-Criminality and Law Enforcement Operations (SACLEO).
