BNFM BICOL—Tanging ang mga lalawigan lamang ng Albay at Camarines Sur ang nakapagtala ng mga bagong kaso ng COVID-19 kahapon araw ng Huwebes.
Batay sa inilabas na ulat ng Department of Health, tatlong mga bagong kaso ng sakit ang naidagdag sa dalawang nasabing probinsya kung saan dalawa sa mga ito ang mula sa mga bayan ng Nabua at San Jose sa Camarines Sur habang ang isa ay mula sa bayan ng Camalig sa Albay.
Wala namang naiulat na mga bagong kaso sa probinsya ng Camarines Norte, Masbate, Catanduanes, at Sorsogon.
Dahil dito, nasa 58,949 na ang bilang ng kabuuang kaso ng COVID-19 sa rehiyon kung saan 3,444 sa mga ito ang nananatiling aktibong kaso.
Patuloy naman sa pagtaas ang bilang ng mga gumagaling makaraang maitala kahapon ang 143 na mga bagong recoveries habang 12 naman ang naidagdag sa mga bagong nasawi.###
