PADAYON ang pagtaas sa aktibong kaso sa COVID-19 ning dakbayan sa Oroquieta, nga mas napun-an pagbalik ang mga apektado, nga anaa sa 89, diin adunay 27 ka mga bag-ong nataptan sa virus, samtang 1 ang natalang nakarekuber sa maong sakit.
Gipagula kini nga datos sa City Health Office ning dakbayan, kagahapong adlawa Agosto 19 ning tuiga, sa may alas 6:05 sa hapon, nga adunay natala nga 11 ka mga empleyado sa gobyerno ang apektodo, 16 ka mga senior citizen, 2 ka lokal stranded indibidwal, 2 ka mga health care worker, ug 56 ka mga ordinaryong lomulopyo ang natakbuyan sa maong makamamatay nga sakit.
24 ka mga barangay dinhi sulod sa siyudad nagakikan ang mga nangataptan .
Sa kinatibukan, mukabat na sa 855 kabuok ang gikatahong nakarekuber sa nasangpit nga virus, samtang mitaas ang ihap sa namatay nga anaa sa 42, samtang 20 ang gitalang nga suspected nga nagnegatibo sa Covid-19-BNFM Oroquieta
