Ro Aklan ro unang probinsya sa bilog nga nasyun nga makabatun it CT scan machine halin sa DOH.
Raya hay sa idaeum it flagship program it Department of Health (DOH) sa pakikipag-partner sa pilang ahensya nga may tinutuyo nga makatao it 33 CT scans sa bilog nga nasyun.
Sa pahayag ni Dr. Leslie Ann Luces, Aklan Provincial Health Officer I kat imbitahan raya sa session it Sangguniang Panlalawigan Aklan, eubos nanda nga ginkalipay nga makabatun ro Aklan it CT scan machine.
Bangud kara, halin segun sa dating 16 slices, ma-upgrade eon sa 32 slices ro feature it CT scan sa Aklan eabi pa ag manami ro brand nga gintao bangud raya hay Fujifilm brand. / ANN DESLENE SALAZAR
