Naglista ro probinsya it Aklan it 264 dengue cases halin it January 1 hasta May 27, 2023 base sa datus it Provincial Health Office (PHO-Aklan).
Nailista ro dengue infections sa 17 banwa sa Aklan kung siin, ro pinakaulihing numero hay 315 percent nga mas mataas kumpara sa 62 infections nga nairekord sa magkaparehung period ku nagtaliwan nga dag on.
Ro banwa it Ibajay ro naglista it may pinakamaabung kaso it dengue nga may 82, sinundan it Nabas nga may 41 ag Kalibo nga may 33 dengue cases.
May 23 cases sa New Washington, 13 sa Balete, 9 sa Altavas, may tig 8 kaso sa Batan, Banga ag Numancia.
May tig 7 kaso sa Tangalan, Malay ag Lezo, tig 5 kaso sa Malinao ag Libacao, 4 sa Makato, tig 2 ro kaso sa Madalag ag Buruanga.
Kaabuan sa tinamaan it dengue hay ro may edad 1 dag on hasta 10 dag on nga may 111 cases. // ANN DESLENE SALAZAR
