Naangkon it probinsya it Aklan ro herd immunity kuntra sa COVID-19 virus. Indi magnaba sa 71% it target population it lugar ro nabakunahan eun ku Enero 6, 2022.
Ro Aklan hay may kwalipikadong populasyon nga 427,664 o 70% it 610,948 ka mga residente.
Base kay Provincial Health Officer I Dr. Cornelio Cuachon, Jr., 304,536 ka mga indibidwal o 71.20% ro fully vaccinated eun, samtang 353,486 o 82.66 % ro nataw-an t unang dose it bakuna kuntra sa Covid-19.
Nagaabot man sa 30,000 ka mga kabataan, nga sa edad 12 hasta 17, o 50% it populasyon it kabataan ro fully vaccinated.
Base man sa datos, 14,056 health care ag frontline workers o 103% ro fully vaccinated, samtang 39,809 senior citizens o 63% ro fully inoculated eun kuntra sa COVID-19.
May 39,108 persons with comorbidities o 98% nga kaeakip sa A3 priority group hay fully vaccinated eun man. Samtang, 72,306 economic frontliners sa idaeom it A4 category ag 84,262 indigent population hay nakabaton it andang bakuna./JIL B. LACSON
