Ro Aklan hay presente nga nagapangatubang sa uwa it kasiguraduhan angot sa COVID-19 surge s probinsiya.
Nagapahaom man ro mga frontline workers sa pag-abo it mga kaso it local transmission it virus bisan maabo eun nga mga indibidwal ro nabakunahan.
Ro mataas nga two-week growth rate nga nagaabot sa 400% increase halin Disyembre 21, 2021 hasta Enero 3, 2022 hay posible nga maging rason agud ro Aklan hay igapaidaeom sa Alert Level 3.
Sa pag-abo it mga kaso, nagpadaea ro Provincial Health Office- Aklan it mga sample sa Philippine Genome Center para sa genome sequencing agud masubybayan ro mga variants.
Samtang, ginapahanumduman man it gobyerno probinsiyal ro publiko nga pagasundon ro ginapatuman nga mga minimum health standards ag magpabakuna eun it COVID-19 shots ag booster doses./JIL B. LACSON
