Ap-at nga mga lugar sa Western Visayas ro nagapa-idaeom sa “Alert Level 3” bangud sa madasig nga pagkaeat it COVID-19 virus.
Gin-anunsiyo it Department of Health (DOH) nga ro mga probinsiya it Aklan, Antique, Capiz, ag Bacolod nga nakabatyag it mataas nga numero it mga kaso ag mataas nga demand sa healthcare utilization.
Bangud dikara, nag-abiso ro DOH nga magpatuman ro mga nasambitan nga probinsiya it mga localized o granular lockdowns, dugangan ro COVID-19 beds sa 30 porsyento ag iba pa nga mga tikang agud malikawan ro pag-eapta it virus.
Bisan uwa pa it narekord nga Delta variant sa Aklan, nakarekord man raya it masobra sa 9,000 kumpirmado nga kaso it COVID-19 ag haeos 200 nga mga namatay umpisa nga nagtuhaw ro pandemiya ku nagtaliwan nga dag-on.
Ro probinsiya hay nakapa-idaeom sa modified enhanced community quarantine.
Samantala, ro probinsiya ag siyudad it Iloilo, hay sa idaeom it Alert Level 4./JIL B. LACSON
